ИМРӮЗ

Мурғони сухан ҳама хомӯш нишастаанд 

Ва ё дар қафасе дам ба дарун бастаанд.

Интизори хӯҷаин, ки дон диҳаду  бо суруд шод кунанд.

Мурғи ҳақгӯй куҷост?

 То он қадар ҳақ гӯяд, ки аз гулӯяш хун чакад.

Замин нерӯ бигирад аз хуни гулӯи ӯ

Баҳор шавад 

Гулҳо бирӯянд

Саҳро пур аз нозу ниёз шавад.

Ва қулфи даҳони мурғони хушилҳон боз шавад.

Кӣ медонад? 

Ки дар суруди онҳо 

Сурхии хуни ҷигари мурғи ҳақгӯй ҳаст.