Саидризо Ализода муаллифи аввалини китобҳои дарсии тоҷикии мактаби нав, сардабири маҷаллаи аввалини тоҷикии «Шўълаи инқилоб» устоди аввалини забони ўзбекӣ ва форсию арабӣ дар Донишгоҳи Самарқанд…
Ин ҷо се нуқта мондам, зеро чунин корҳои дар таърихи фарҳанг мондагори ў зиёданд. Ў низ мисли бисёр рўшанфикрони ҷасури тоҷик қурбони режими истолинӣ шуда дар зиндони шаҳри Владимири Русия даргузаштааст. Набераи ў – Фарҳод Ализода қабри ўро дар шаҳри Владимир пайдо намуда ба қабристони Панҷоби Самарқанд кўчонидааст.
Ализода дар Самарқанд сардабири рўзномаи вилоятии ўзбекии «Зарафшон» низ будааст, ба ин сабаб ҷашнҳои ў бо иштироки фаъоли зиёиёни ўзбек мегузарад. Ў ба забони ўзбекӣ низ китобҳои дарсӣ навиштааст.
Дар ҷамъомади тантанавие, ки ба муносибати ин ҷашн дар Донишгоҳи Самарқанд доир шуд, оиди ҳаёту фаъолияти номбурда доктори илми таърих Илҳом Саидов маърўза кард. Сардабири «Зарафшон» оиди хидматҳои Ализода дар ривоҷи матбуоту маорифи ўзбек сухан ронд. Корманди ҳокимияти вилоят Х.Муҳаммадиев табрикномаи ҳокими вилоятро қироат намуд.
Солҳои охир маълум гардид, ки Ализода бо супориши шоҳи Афғонистон Амонуллохон оиди таърих ва маърифати ислом китобҳои зиёде навишта дар матбааи шаҳри Лоҳури Покистон чоп кардааст. Ализода бо шоири Эрон Маликушуаро Баҳор мукотибаи дўстона доштааст.
Боиси тааҷҷуб аст, ки аз 300 асари навишта солҳои сӣ чоп кардаи ў муосирони мо якеро ҳам бо чашми сар надидаанд. Чашнҳои 100, 105, 110, 120-солагии ў гузаштанд, вале ягон китобаш чоп нагардид.
Саидризо Ализодаро дар Точикистон қадршиносӣ намекунанд, ҷашнҳои ин қурбонии режими истолинӣ баргузор намешаванд. Дар ин маърака аз сафоратхонаҳои хориҷӣ танҳо намояндаи сафоратхонаи Озарбойҷон ҳузур дошт.
2 комментария:
Dorood
Neveshteye shoma ra khandam va bahre bordam va agahihaye khoobi dar bareye aghaye alizade be dast avardam .
Baz ham az Samarqand o bokhara va digar shahrhaye parsi zabane ozbakestan benevisid ta ma ba in shahrhaye aziz bishtar ashna shavim .
Agar tarnegar haye digari niz az sooye samarqandiha va bokharayiha gardande mishavad be ma moarrefi befarmaeed .
Ustad-e aziz, Besyaar khosh-haal shodam ke didam dar internet safhe-ee baaz karde-id. Internet hame-ye maa raa be ham peyvand daad-e ast va baraay-e man jaay-e khosh-haali ast ke shomaa az in raah rooy nagardaande-id va zahmat-e aan raa bar khod hamvaar saakhte-id ke baa technology-ye jadid aashnaa shavid. Haal doostaan-e shomaa mitavaanand az neveshte-haa-ye shomaa be aasaani bahreh bebarand. Be doosataan-e Samarqadi salaam daaram. - Mehdi Jami
Отправить комментарий