Аз ришаш бурида ба мӯйлабаш часпонид. Оид ба
корҳои ноӯҳдабароёна.
Пайравӣ кун раҳрави устодро,
Аз ғалат в-аз гумраҳӣ ёби роҳо.
Нокардакор туро ба ин кор чӣ кор? Яъне корҳои
ҷиддиро бо таҷрибаи кофӣ бояд анҷомид.
Таваккал нар бувад, андеша мода. Дар Самарқанд
аксар таваккал ба маънои «шавад обӣ, нашавад лалмӣ» истифода мешавад, на ба
маънои аслиаш умед ба худо. Ин мақол таъкид ба он дорад, ки танҳо андеша чизе
мезояд ва ба он такя бояд кард.
Санги вазнина об намебарад. Дар ҳама ҳолат инсон
бояд пурбардошт ва собир бошад.